FELIX BENEDETTI : GHJUDICATU OGHJE IN PARIGI

Era ghjudicatu oghje in Parigi, Felix Benedetti, militante di u Rinnovu Naziunale. Era statu incarceratu in Fresnes durante 2 anni è mezu dopu à a so arrestazione di marzu 2012. Dopu à 1 annu è mezu assignatu à residenza in Parigi, era vultatu in Corsica 6 mesi fà.

Era dunque ghjudicatu oghje per un’infrazione à a legislazione nantu à l’arme è associu di malfattore in relazione cù un’ intrapresa terrurista. In fin di contu, un prucessu davanti à u tribunale currezziunale chì averebbe pussutu esse fattu in Bastia, è ancu in cumparizione immidiata…. 5 anni fà. Ma nò ! Vulia fà u statu un esempiu in più, ch’elli ùn li bastanu tutti issi giovanni lampati issi pochi mesi in a prigiò di U Borgu. È puru l’hà fattu, hè statu cundannatu u militante naziunalistu à 5 anni di prigiò, ancu di grazia senza mandatu di dipositu.

Hè per avà surtitu liberu di u tribunale… Pruch’ella duri !

Francè Acquaviva.

Soyez le premier à commenter

Laisser un commentaire

Votre adresse de messagerie ne sera pas publiée.


*